Brava Rachele Martini!!

Veramente una bela notiza che la meriata da ves sottolineada.

Un grande bravo e tanti auguri da un bon lavor ala Rachele Martini come növ president dala Fondazione Valle Bavona!

Rachele lé veramente una person incredibila. Una capacità organizzativa e una motivazion superlativa. Un vulcan da idei e di VERI valori che la sa difend con grande capacità. Eccellente comunicativa. Insomma una perla rara, un bel regal per la stupenda val Bavona.

Saluti e in bocca al lupo

ciao flavio

Cascia 2008

ciao a tücc,

dopo un quai mes d'assenza, ecco una quai notizia bomba süla cascia 2008. Al risultat lé mediocre a causa dala meteo ma quaicos lé ben rivat !

un bel anzel masc al pian da pescia con al me pa. sparat a circa 50 m, una bela fortuna. caduto al primo colpo.

Anzel e femina da cavriö in dal garasc a Cavergno. Al Matteo lé tut interessat!!!

Sentee par Foioi in 3D

Riva fin in cima ala baita Foioi lé mia facil, ecco un estratto in 3D dal sentee. Partenza da Faed à circa 700 m e arrivo a alla Baita dopo 4 ör a 2100 m. Che scarpinada.

Foioi vue d'une française

Voici mon point de vue sur cet endroit magique, hors du réel que j'ai découvert en suivant un chasseur tessinois, amoureux de sa montagne et si fière de ses traditions... Avant tout, je voudrais souligner que pour monter à la baita, il ne faut pas parler de sentier, car il n'en n'existe pas. Je dirais plutôt que c'est entre l'escalade, des passages vertigineux et un bon sens de l'orientation. D'ailleurs je vous déconseille de vous y aventurer seul sans l'une des rares personnes connaissant bien l'itinéraire, sinon ce sera l'hélicoptère qui viendra vous chercher.


Foioi, une fois la baita atteinte - et ce n'est pas peu étant donné l 'effort que ça demande - apporte tellement de satisfaction, de bonheur, de paix, de tranquillité... comment ne pas vouloir y retourner le plus souvent possible!


Mis à part la chasse bien évidemment, Foioi ressource également de petits trésors.




des papillons (une azurée) magnifiques








des nombreuses fleurs aux couleurs si vives








leur détermination, à l'aide d'un livre étant donné ma connaissance très limitée dans ce domaine...








des bolets, les "mazze di tamburo" (lépiote élevée ou coulemelle en français), des chanterelles...









le farniente






et bien sûr, Foioi c'est aussi partager la passion des chasseurs et observer les chamois!

Cascia 2004-2007

Ciao casciadoo e appassionati dala montagna. ecco una carrellata da un quai trofeo conquistaa i ultim dü o tri ann. sempre in compagnia dal me pa, al me zio, dala me cara mogliettina, da l'om dala me sorela e da un quai soci anonimo...

Sterla, alpe Soveneda, Val Lavizzara (2006)

Sempre la stesa sterla, ma con al me pà. Un bel tir dal ri, a circa 170 m (2006)

Anzelin, prima costa, alpe Foioi in Val Bavona (2006)

Baita Foioi, anzello, con la mé dona e l'om dala me sorela (2006)


Bel maschion da 27 kg, rii da foioi prima da riva in boca d'Val, costa sora la diga, Faedo, Val Bavona (2007)

Al stess maschion ma con al me pa e al me zio, anche lu con un bel maschion da 28 kg, portat giù dala prima costa da Sevinera (2007)

I dü maschioni con l'om dala me sorela davanti ala gesa da Faed (2007)

Maschion ciapat dal me zio, Pian tüee, Alpe Foioi in Val Bavona (2004)

Eliporto Foioi

28 agost 2004, eliporto davanti ala baita da Foioi. Lé mia propi un sit ideal e i piloti i dev tira fora tüta la class che i gà! L'éliporto lé mia stai omologat ...

Prim mesagg sula cascia

Uela lì!
Eco che comincia l'aventüra cascia. Chesti chi ié i prim foto da preparazion psicologica (léra al 2004).

La vista dala cantina che sa trova in facia ala baita. Lé una cantina natural, sota di gros bloc (un splüii in altri parol). A la doprom da met via i salamit e taca su i camos. Lé sempar bela fregia e a gira praticament nesun moscon.

Pöö a ghé la nebbia!! Che a Foioi lé a ca soa. quasi sempre presente e causa di lunghe giornate in baita a spécia e spécia che u sa tira föra un atim.


E da mia discmentigaa, importantisim, al me sciop!!! Fedele amico da oramai 7 an, unico e insostituibile. Anche un gran ranzon, ma chel lé mia colpa soa.

Maggio 2005

Foioi, maggio 2005

che favola!!!

Lavori a foioi

Uela intrepidi, un picol pensee agli eroici compagni che i ma iutat a sisctema un po al sentee par Foioi. Lavori indispensabil par limitaa al rischio da incident ... sopratutt par i veterani ....
grazie tin-tin et damians

Autunno 2007

Ueila, Do foto mitic dal 13 ottobre 2007. Salida par Foioi in mezz a colori meraviglios!!!

Sullo sfonde a sa veed Rosét, a destra dal fium a ghé Fondanellada e in primo piano, dopo al pont, Faed.













Vista dal "Balon quadro" sur sentee par Foio, a circa 1h30 da faed e a 15 minut da foiaöo.

Al Balon quadro lé una belisima vardela, a sa chiapa mia sempro quaicos, ma una quai scterla ogni tant la borla bé.

Foioi in elicotter

E si, ogni tant a sem rivadi in baita con l'élicottero. Lé mia tanto ecologic, quindi al fem propi doma quando lé verament necessari. Da solit a sa organiza un viag in agost, per porta su l'aqua e al damangia. Sopratut l'aqua visto che suli a ga né mia una gota. chesto viag a l'em filmat in dal 2004, um sera nai via da San Carlo.

La val Bavona in poc parol

Al Tesin lé un canton dala Svizzera da circa 300'ooo abitanti. A sa parla italian ma anca al dialet ticines. La Valmagia la partis da Locarno e la sa snoda per circa 40 km fin a Cavergno. A sinistra sa trova pö la Val Bavona e a destra la Val Lavizzara.
La Val Bavona lé senz'altro vuna di val pusée incredibii dal mond. A sa sent et respira a mo l'aria da 100 an fa, tut in sass, tut selvadig e con quela impression che i rob ie sempar stai in sci e i stara insci par sempar.
A go una maieta con su scrit:


"l'aria püsee bona le chela che vegn föra dala Val Bavona"


In val Bavona i peäs ié ciamadi frazion. al prim lé Mondada, pö à che Alned, Sabion e Ritorto. Foroglio (o Foroi) u sa trova sota la cascada e la Val Calenggia. In fond in fod a ghé San Carlo, con la téléferica cha va a Robioi e al giascèè dal Basodin.

Perché un Blog par Foioi?

Ciao a Tüch!!

Foioi u rapresenta la montagna e un po al simbol dal me amur par al Tesin e la Valmagia. A som da Cavergno, un paesin all'imbocco dala Val Bavona e dala Val Lavizzara. A som cresut in mez ai montagn e gho pasaat i me estaa a fa al bagn in dal fium, a cerca mirtilli e fung, a pesca e in settembre ... a na a cascia!

E la cascia à la fo propi e sopratut in Val Foioi. Al sentee u va via da Faed in Val Bavona e la baita lé piazzada a circa 2100 m d'altezza. La salida lé da almeno 3 ore e ... per una bona gamba. La Val Foioi lé una zona che lé restada molto selvatiga. A ghe doma sentee da camos e da casciadoo. Ogni tant u sa malédis bé l'ente türistic o la protezion civil che i vegn mia su a fa fora un po i sentee. Ma bon, a ga pensom nun (tra soci e parent) a tegnal un po in ordin. Almeno a sem sicur che la zone la resta tranquila.

Al "sentee" come o gia dii, u partis da Faed e per un toc u va dre al rii da Foioi. le po al riaa che u ghera provocat una frana disastrosa al 31 d'agost 1992 con 2 morts e la distruzion da 13 cascin. Adess a ghe un grad ripar contro i fran dadré dal paes.

Dopo circa 25 minut a sa riva in "Boca d'Val". Po al sentee u gira a sinistra e a comincia la vera salida con la stupenda "scalinada" mesa a post recentement. Una scritta molto conosuda lé scolpida sulla roccia e la dis:

"IO GIUSEPPE ZAN ZANINI DI CAVEG FECE LA STRADA PER PASARE LE BESTIE BOVINE FINO SUL ALPE LANO 1833 +"

La vista sula pianura agricola et alluvial dala Bavona, sui frazion da Fontalada, Faed, Bolla e Sonlert lé magnifica al prim toc dal sentee. Spécialment quando a sa riva al "Prèl", un riaa da traversa tacad a una corda e metendo ben i pee in dai scalit scavadi in dala rocia. Un volo lé sconsigliato!! Dal Prèl, la vista su sonlert lé un vero spetacol!!! A circa 2 or da Faed a ghe Foiazzöö. un cort con doma una cascina da casciadoo che lé dré a schurbiaa, ma a ghe un proget per metala a post. A sa dovresa anche taia via un po da piant.

A Foiazzöö a ghé la baita dove la squadra da casciado capitanada dal poro Mario Tonini la sosctava e dormiva tra un'aventura da cascia e un'altra. lé sctaia consctruida tuta a spala, gnianca un volo in elicottero. A ghera fin l'acqua corenta, tirada scià con un tupo da una valanga che praticament la restava con la nev tuta l'esta. Davanti ala baita a ghé un fò con su scrit doo dat: vuna lé quela da quando al me pà le rivant li con la me mama per la prima (e ultima) volta ... la seconda quando mi a som rivat li con la me dona per la prima volta (in dal 2005). A domandi scusa al fo per i cicatris che a ghem fai e al ringrazi per al bel ricordo che u ga lasaa.

E finalment a sa riva ala baita da Foioi. Lé molto picola, poc pusee che 2x2 m. in legn, con du lech a castel. Le picola ma accogliente. Lé staia piazzada in dal 1989 a ma par. Finalment sti pori casciadoo i go pu avut bisogn da montaa una tenda per podee dormi.

A sem a la fin da questa rapida carrelada introduttiva sul sentee che porta ala nosa baita da Foioi. A ga né un altro che va fin a l'alp da Foioi, ma al presenti un'altra volta. In di prosim "puntadi" a va presenti anchge puse in détail sta montagna e la cascia che a ga fem.

Ecco in poc parol perché un blog su Foioi. Podev presentaa e discüt da una region, la so natura, la so storia e la passion dai gen qu'i ga viv!

Vista dala baita da Foioi, in direzion dala Val Calneggia